ალონსო:„ყველა ფეხბურთელმა უნდა გაითავისოს გუნდის ახალი ტემპი“
ჩაბი ალონსომ „იუვენტუსთან“ დაპირისპირების წინ პრესკონფერენცია გამართა.
„მბაპე ბევრად კარგად არის, ის 100%-იან დატვირთვას იღებს, რაც ძალიან მნიშვნელოვანია. ხვალ კიდევ ვისაუბრებთ და გადავწყვეტ, დავაყენო თუ არა სასტარტო შემადგენლობაში.“
„ჩვენ უნდა დავუპირისპირდეთ ევროპული ფეხბურთის ერთ-ერთ გიგანტს, რომელსაც უდიდესი გამოცდილება აქვს. იტალიელებს ძლიერი მენტალობა და ტაქტიკური განათლება აქვთ.“
„როგორც კარვახალი, ასევე ედერ მილიტაო „იუვესთან“ მატჩის განაცხადში იქნებიან.“
„ვარჯიშების დროს დრონების გამოყენება მნიშვნელოვანია. ეს არის თანამედროვე ტექნოლოგია, რომელიც გვეხმარება სესიების უკეთ გარჩევაში, ფეხბურთელების მოქმედებების განხილვასა და ტაქტიკური მონახაზების შემუშავებაში.“
„კასტილიელებს ძალიან დიდ პატივს ვცემ და მივიჩნევ, რომ ისინი პერსპექტივით სავსე მოთამაშეები არიან. ჩვენ გვსურს ახალგაზრდული სულის დამკვიდრება „ბლანკოსში“, კანტერანოებმა აუცილებლად უნდა ისწავლონ გამოცდილი ფიგურებისგან.“
„სკამზე იქნება, თუ სასტარტოში ითამაშებს, როდრიგოს მოტივაცია არ იცვლება. ბრაზილიელს უკვე კარგი გამოცდილება და საშემსრულებლო ოსტატობა აქვს.“
„„სიტისა“ და „იუვენტუსის“ დაპირისპირება? ეს არაფერს მაძლევს, მე ჩემი მიდგომები მაქვს.“
„მსოფლიო საკლუბო ჩემპიონატთან დაკავშირებული მოსაზრებები, რომელიც კლოპმა გამოთქვა, ჩემთვის არაფერს ცვლის. ახლა თავიდან ბოლომდე, მთელი ყურადღება „იუვენტუსზე“ მაქვს გადატანილი.“
„ფედე ვალვერდე საოცარი ფეხბურთელია, მას არაერთ პოზიციაზე შეუძლია თამაში. ის ბევრს მოძრაობს, ეფექტურია ბურთის ართმევის დროს, ასევე გააქვს ბევრი გოლი. ურუგვაელზე დიდ ფსონს ჩამოვდივარ, ის ძალიან გვჭირდება.“
„ჩვენ გვჭირდება კოლექტიური პასუხისმგებლობის მქონე გუნდი. ვინისიუსი და მბაპე აუცილებლად გაიზიარებენ ამ მიდგომას, მათი კლასი კი წარმატების მიღწევაში დაგვეხმარება.“
„ტრენტს შეუძლია არაერთ პოზიციასა და სისტემაში თამაში. ის მოქნილი ფეხბურთელია და გუნდში დიდ წარმატებას მოიტანს.“
„ნებისმიერი ფეხბურთელი დაჯდება სკამზე, თუ არ გაიზიარებს რიტმს და დინამიკას, რომელიც გუნდში უნდა დავამკვიდრო. ჩემთვის სახელებს არასდროს ჰქონია მნიშვნელობა. მუქარა? მერწმუნეთ, რომ ფეხბურთელებს მუქარა არ სჭირდება, ჩვენ გვაქვს სტანდარტები, რომელსაც მივყვებით, ურთიერთობები კი მხოლოდ პატივისცემაზეა დაფუძვნებული.“
- გუშინ, 11:34
- 1 784
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
