კარერასი „რეალისგან“ ქმედით ნაბიჯებს ელის
ალვარო კარერასი მიიჩნევს, რომ მისი მხრიდან „რეალში“ გადასასვლელად ყველა ნაბიჯი გადაიდგა.
ესპანელმა ფეხბურთელმა „ბენფიკას“ ახალ კონტრაქტზე უარი უთხრა, ასევე ღიად დააფიქსირა, რომ მისი სურვილი და ოცნება მადრიდის „რეალში“ გადასვლაა.
კარერასმა ასევე შეათანხმა მადრიდული კონტრაქტის დეტალებიც და სრულად მოერგო სახელფასო პოლიტიკას, რომელიც ფლორენტინო პერესს აქვს.
ესპანური გამოცემების ცნობით, განაპირა მცველი ახლა „ბლანკოსისგან“ ქმედითი ნაბიჯების გადადგმას ელის.
„ბენფიკა“ მსოფლიო საკლუბო ჩემპიონატს უკვე გამოეთიშა და ალვაროც შვებულებაში გავიდა, ხოლო თუ „რეალს“ მისი დამატება სურს, მანუელ რუი კოშტასთან უფრო ინტენსიურად უნდა ისაუბროს.
- გუშინ, 20:14
- 516
- 1
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
