ესპანური გამოცემების ცნობით, მადრიდის „რეალმა“ ახალგაზრდა კანტერანო დიეგო აგუადოს სანაცვლოდ 6 მილიონიანი წინადადება მიიღო.

„ბორუსია“ მზად არის, ესპანელი ტალანტი დაიმატოს და მასთან 5 წლიან კონტრაქტს მოაწეროს ხელი, მაგრამ „რეალს“ სხვა გეგმები აქვს.

აგუადომ „ბლანკოსი“ ან იჯარის წესით უნდა დატოვოს, ან ბორუსიულმა მხარემ 10 მილიონზე მეტი გადაიხადოს.

„მარკას“ ინფორმაციით, „დორტმუნდის“ ხელმძღვანელობა „ბლანკოსის“ პასუხს უკვე გაეცნო, თუმცა ახალი გადაწყვეტილება არ მიუღია.

თავის მხრივ, ჩაბი ალონსო მიიჩნევს, რომ აგუადოს წასვლა მხოლოდ იჯარით იქნება საუკეთესო გამოსავალი, რადგან ამ მოთამაშეში დიდი პერსპექტივა დევს.