იტალიური და ესპანური გამოცემების ცნობით, მადრიდის „რეალსა“ და „კომოს“ შორის შეთანხმება შედგა.

ნიკო ფასი კიდევ 1 წლით იტალიის ჩემპიონატში დარჩება.

საუბრები იმის შესახებ, რომ არგენტინელი ამომავალი ვარსკვლავი გერმანიის ბუნდესლიგაში წავიდოდა, ისტორიას დარჩა.

ფლორენტინო პერესმა მიიღო მყარი გარანტია, რომ ფასი სხვაგან არ წავა, 2026 წლის ზაფხულში კი „ბლანკოსი“ მის გამოსყიდვაზე იმსჯელებს.

„მარკა“ ასევე ხაზგასმით წერს, რომ „ბლანკოსს“ ნიკოს დამატება 2027 წლის 31 აგვისტომდეც შეეძლება და ამისთვის მხოლოდ 10 მილიონის გადახდა მოუწევს.

ნიკო „კომოში“ ბედნიერია და შარშან ეფექტური სეზონიც ჰქონდა, ახალ სეზონში კი მასზე კიდევ უფრო დიდი დაკვირვება განხორციელდება.