ლისაბონის „ბენფიკამ“ ლონდონის „ჩელსისთან“ ბრძოლა დათმო და მსოფლიო საკლუბო ჩემპიონატს დაემშვიდობა.

პორტუგალიური კლუბისთვის მიმდინარე სეზონი ახლა უკვე ოფიციალურად დასრულდა.

თუ მანუელ რუი კოშტა იძახდა, რომ ალვარო კარერასი თავიდან ბოლომდე მსოფლიო საკლუბო ჩემპიონატზეა კონცენტრირებული, ახლა ესპანელი განაპირა მცველი ნამდვილად აღარ ფიქრობს ამჟამინდელ კლუბზე.

ესპანური გამოცემების ცნობით, მადრიდის „რეალი“ შეტევაზე გადადის და ტრანსფერის რაც შეიძლება დროულად დასრულება სურს.

ჩაბი ალონსოსთვის ახლა არანაირი აზრი არ აქვს, კარერასი ხვალ გახდება „რეალის“ საკუთრება, თუ 2 კვირის შემდეგ, თუ პერესს სურს, რომ ეს შეთანხმება დროულად დაასრულოს და ყველა სპეკულაციას წერტილი დაუსვას.

როდესაც კარერასის ტრანსფერი დასრულდება, „ბლანკოსი“ სრულ ძალისხმევას მოედნის ცენტრის გაძლიერებაზე მიმართავს.

Confidencial-ის ინფორმაციით, „მერენგები“ ალვაროს საკითხზე ხვალიდან ძალიან სერიოზულად იმუშავებენ.