იტალიური გამოცემების ცნობით, „კომოს“ ხელმძღვანელობა მზად არის, მადრიდის „რეალთან“ მოლაპარაკებები აწარმოოს.

იტალიურ კლუბს ზაფხულში გაძლიერება სურს და არაერთი ფეხბურთელის მიმართულებით მუშაობს.

ფაბრეგასის გუნდმა რამდენიმე შეთანხმება უკვე დახურა, თუმცა გაჩერებას არ აპირებს.

იტალიელების ცნობით, „კომო“ მზად არის, ენდრიკ ფელიპე 1 წლიანი იჯარით წაიყვანოს.

იმ ფონზე, რომ „რეალს“ ფელიპეს ესპანეთის ფარგლებს გარეთ გაშვება არ სურს, მოლაპარაკებები გართულდება, თუმცა ფაქტია, რომ „კომოში“ ერთმა მადრიდისტამ ნიკო ფასის სახით, ნამდვილად მოიკიდა ფეხი.

ამას ემატება ალვარო მორატას ფაქტორიც. ექს მადრიდისტა სულ ცოტა ხნის წინ დაემატა იტალიელთა რიგებს, რაც თავდასხმის ხაზში კონკურენციას გაზრდის, ეს კი ენდრიკის ინტერესებში ნამდვილად არ უნდა შედიოდეს.