გონსალო გარსიამ მსოფლიო საკლუბო ჩემპიონატზეც ყველა დაუმტკიცა, რომ დიდი მომავალი აქვს და ძალიან პერსპექტიული ფეხბურთელია.

ახლა ჩაბი ალონსომ არჩევანი ესპანელ კანტერანოსა და ენდრიკ ფელიპეს შორის უნდა გააკეთოს.

„მარკას“ ინფორმაციით, ორივე ფორვარდის გუნდში დარჩენა გამორიცხულია, ვინაიდან „რეალს“ წინა ხაზში ისედაც დიდი რესურსი აქვს და ორ ცენტრალურ ფორვარდს მბაპესთან ერთად არ საჭიროებს.

არსებობს დიდი ალბათობა იმისა, რომ „ბლანკოსმა“ ენდრიკი იჯარით გაუშვას და განვითარების საშუალება მისცეს.

„ას“-ის ინფორმაციით, ჩაბი ამერიკულ ტურნეზე ფელიპეს დააკვირდება, ის ასევე განაგრძობს დაკვირვება პრე-სეზონსა და ტესტ მატჩებზე, თუმცა ამ წუთის მონაცემებით, გუნდში დარჩენის შანსი გონსალოს გაცილებით მეტი აქვს, ვიდრე ენდრიკს.

ამასთანავე ცნობილია, რომ ფელიპეს ესპანეთის ლა ლიგიდან 3 კლუბი ეპატიჟება.