ესპანური და იტალიური გამოცემების ცნობით, ტაკეფუსა კუბო ამ ზაფხულს კლუბს შეიცვლის.

ის, რომ იაპონელი ფეხბურთელი მადრიდის „რეალის“ რიგებში არ დაბრუნდება, გადაწყვეტილია. ჩაბი ალონსომ ტაკეფუსაზე უარი თქვა, მაგრამ „რეალს“ მისი მომავალი ნამდვილად აინტერესებს, რადგან ფეხბურთელის სატრანსფერო უფლებების 50%-ს ფლობს.

ახლა როგორც „ბლანკოსის“, ასევე „სოსიედადის“ ინტერესია, რომ იაპონელი მოთამაშე რაც შეიძლება ძვირად გაიყიდოს.

არაერთი ინფორმაცია გავრცელდა „ლივერპულის“ შესახებ, მაგრამ საბოლოო ჯამში არნე სლოტმა ტაკეს ვარიანტი დაბლოკა.

არაოფიციალური ინფორმაციით, ასპარეზზეა გამოსული „მილანი“, რომელიც ფეხბურთელის სანაცვლოდ მხოლოდ 40 მილიონს იხდის, ეს კი იმას ნიშნავს, რომ „ბლანკოსი“ და ბასკური კლუბი 20-20 მილიონს მიიღებს, სწორედ ამიტომ, შეთანხმება არც ისე საინტერესოა.

ბრიტანული გამოცემების ცნობით, ტაკეს პრემიერლიგიდანაც ეპატიჟება რამდენიმე კლუბი, თუმცა კონკრეტული წინადადებები ჯერ-ჯერობით არ საჯაროვდება.