ორელიან ჩუამენიმ „ზალცბურგთან“ გამარჯვების შემდეგ მედიის წარმომადგენლებთან ისაუბრა.

„ფაქტია, რომ გუნდი უმჯობესდება და უკეთეს შედეგებს აღწევს. 3 დაპირისპირებაში შესაძლო 9 ქულიდან 7 ქულა მოვიპოვეთ.“

„ახალ პოზიციაზე თამაში საინტერესო იყო, თუმცა არაერთხელ მითქვამს, რომ თავს ყველაზე კომფორტულად მოედნის ცენტრში ვგრძნობ.“

„ვულოცავ ანტონიო რუდიგერს, მან უმოკლეს დროში მოახერხა დაბრუნება და დატვირთვით მიღება. გერმანელი ტემპს მალე აკრეფს.“

„თუ ფინალში გასვლა გვსურს, ნებისმიერი მეტოქის დამარცხება უნდა შევძელოთ. „იუვენტუსის“ სახით ძალიან სოლიდური და გამოცდილი მოწინააღმდეგე გვყავს, თუმცა საბრძოლველად მზად ვართ.“

„ჩაბი ყველა ვარჯიშზე ცდილობს იდეების განხორციელებას და ამისთვის საკმაოდ ბევრს მუშაობს.“

„ვინისიუსი უმაღლესი კლასის შემტევია, დღეს მან ექსტრა კლასის პასი შემოგვთავაზა, რასაც ფედერიკო ვალვერდეს გოლი მოყვა. ვამაყობ და მიხარია, რომ გუნდი ასეთი დინამიურია და წარმატებისთვის ბოლომდე იხარჯება.“