ვინ მიდის „რეალიდან“? ჩაბი ალონსომ სია გააფართოვა
ესპანური გამოცემების ცნობით, „რეალს“ იმაზე მეტი ფეხბურთელი დატოვებს, ვიდრე ვინმეს წარმოუდგენია.
ის, რომ სულ მალე გუნდს ლეგენდარული ფიგურა, ლუკა მოდრიჩი დაემშვიდობება ახალი არ არის, მაგრამ ხორვატთან ერთად არაერთი ფეხბურთელი გამოემშვიდობება გუნდს.
ასევე შეგახსენებთ, რომ ხესუს ვალიეხომ „მერენგების“ შემადგენლობა უკვე დატოვა.
ლუკას და ვალიეხოს ემატება ლუკას ვასკესი, ასევე წასვლის კანდიდატები არიან ფერლან მენდი და დავიდ ალაბა.
არსებობს ვარაუდი იმისა, რომ გუნდი იჯარის წესით დატოვოს ენდრიკ ფელიპემ.
კიდევ უფრო გააქტიურდა საუბრები როდრიგო გოეშის წასვლასთან დაკავშირებით, რომლის სანაცვლოდაც ფლორენტინო პერესს 100 მილიონზე მეტის მიღება შეეძლება.
ჯერ-ჯერობით კვლავ ბუნდოვანია ფრან გარსიას და დანი სებალიოსის მადრიდული მომავალიც, თუმცა ეს სხვა ფაქტორებზე იქნება დამოკიდებული.
„მარკას“ ცნობით, ჩაბი ახალ ფეხბურთელებს შანსს აძლევს, ამისთვის კი 25 კაციან შემადგენლობაში მეტი ადგილი სჭირდება.
გუნდმა უკვე დაიმატა ტრენტი და ჰოისენი, მალე უნდა შედგეს ალვარო კარერასის ტრანსფერი, გარდა ამისა, გუნდს სურს გონსალო გარსიას მთავარ გუნდში დარეგისტრირება, ისევე როგორც ხოან მარტინესის და რაულ ასენსიოსი. პერესს ასევე დაგეგმილი აქვს 2 ახალი ფეხბურთელის დამატება, ეს კი საჭირო ადგილების გათავისუფლებისკენ კიდევ ერთხელ მიუთითებს.
- 25 ივნისი 2025
- 6 477
- 7
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
