კოლუმბიური ფესვების მქონე ესპანელი ფეხბურთელი, რომელმაც „ვალენსიას“ მთავარ გუნდში ფეხი კარგად მოიკიდა, ჩაბი ალონსოს ინტერესის არეალშია.

საქმე ეხება კრისტიან მოსკერას, რომელიც „ღამურების“ სასტარტო შემადგენლობის უცვლელი წევრია.

მოსკერა სულ რაღაც 20 წლის არის და დიდ მომავალს უწინასწარმეტყველებენ, ის საკმაოდ სწრაფი, დინამიური და მაღალ ბურთებზე ეფექტურად მოთამაშე ცენტრალური მცველია.

მოსკერას სიმაღლე 191 სანტიმეტრია, ის ფიზიკურადაც საკმაოდ დიდ პროგრესს აჩვენებს.

ამ სეზონში კრისტიანის ანგარისზე ლა ლიგის 38 დაპირისპირებიდან 37-ია, ის ფიზიკურ დატვირთვებსაც კარგად უძლებს.

მოსკერას „ვალენსიასთან“ არსებული ხელშეკრულება 2026 წლის 30 ივნისს ეწურება, რაც მოლაპარაკებებს კიდევ უფრო ამარტივებს.

ესპანური გამოცემების ცნობით, „რეალი“ აღნიშნული ფეხბურთელის მიმართ მეტ აქტივობას გეგმავს.

ასევე აღსანიშნავია, რომ მოსკერას მიმართ ინტერესი მადრიდის „ატლეტიკოსაც“ აქვს. დიეგო სიმეონე „ვალენსიას“ უკანახაზელის თაყვანისმცემელია.