ფლორიან ვირცთან დაკავშირებით მაისის თვიდან მოყოლებული არაერთგვაროვანი ინფორმაციები ვრცელდებოდა.

პირველ ეტაპზე გავრცელდა ცნობა იმის შესახებ, რომ ფლორიანს გერმანიის ფარგლების დატოვება არ სურდა და მისი მიზანი მიუნხენის „ბაიერნში“ თამაში იყო.

აღნიშნული მიზეზი სახელდებოდა მთავარ საფუძვლად, რის გამოც, ვირცი ჩაბი ალონსოს ბერნაბეუზე არ გაყვებოდა, თუმცა ფაქტია, რომ მოვლენები სხვაგვარად ვითარდება.

ფლორიანმა „ლივერპული“ აირჩია და ახალ კლუბთან კონტრაქტს ხელი უკვე ოფიციალურად მოაწერა.

ესპანეთში თვლიან, რომ ფლორენტინო პერესმა ცდა დააკლო და „ლევერკუზენის“ ფეხბურთელი აუცილებლად უნდა დაემატებინა, ვინაიდან ის ჩაბი ალონსოს ფავორიტი იყო.

თავის მხრივ, „რეალი“ მთავარ მიზეზად იმ სახელფასო მოთხოვნებს ასახელებს, რომელიც გერმანელ ფეხბურთელს ჰქონდა.