ესპანური გამოცემების ცნობით, მადრიდის „რეალმა“ ედუარდო კამავინგასთან დაკავშირებით 100 მილიონიანი წინადადება მიიღო.

ჯერ-ჯერობით უცნობია, რომელი კლუბი აპირებს ედუარდოს სანაცვლოდ 100 მილიონის გადახდას, მაგრამ არსებული ვარაუდებით, ინტერესი საუდის არაბეთიდან მოდის.

გამომდინარე იქედან, რომ ჩაბი ალონსო ნახევარმცველებს ეძებს, ამ ეტაპისთვის კამას გაშვებაზე საუბარი ალბათ ზედმეტია, მაგრამ თუ „რეალი“ ახალ ნახევარმცველს მოიყვანს, შესაძლოა ამ წინადადებაზე მართლაც დაფიქრდეს.

ედუარდოს რეპუტაცია ამ სეზონში ტრავმებმა შედარებით შეარყია, ვინაიდან ძალიან ბევრ მნიშვნელოვან მომენტში გამოაკლდა გუნდს.

მოქმედი კონტრაქტის მიხედვით, ფრანგი ნახევარმცველი „მერენგების“ სადარაჯოზე 2029 წლის 30 ივნისამდე უნდა დარჩეს.

22 წლის ფეხბურთელი „რეალს“ 2021 წელს შეუერთდა და მას შემდეგ საკმაოდ წარმატებული ეპოქა ჰქონდა. მან უკვე 2-ჯერ მოასწრო ჩემპიონთა ლიგის მოგება.