ფლორენტინო პერესსა და ჩაბი ალონსოს შორის ამერიკის შეერთებულ შტატებში დაახლოებით 2 საათიანი შეხვედრა შედგა.

ესპანელმა სპეციალისტმა გუნდის პრეზიდენტს მადლობა გადაუხადა იმისთვის, რომ მსოფლიო საკლუბო მუნდიალზე გუნდის განკარგულებაში უკვე არიან ტრენტ ალექსანდერ არნოლდი და დინ ჰოისენი, ასევე „რეალს“ მალე შეუერთდება ფრანკო მასტანტუონოც, მაგრამ ჩაბის სხვა მოთხოვნებიც აქვს.

ალონსომ პერესისგან მიიღო დაპირება, რომ მეგა ტრანსფერს განახორციელებს და ეს აუცილებლად იქნება ვარსკვლავური სტატუსის მქონე ნახევარმცველი.

ჩაბი შუა ხაზის გაძლიერებას სასიცოცხლოდ მნიშვნელოვნად მიიჩნევს და გუნდი ამ საკითხზე სერიოზულად მუშაობს.

ასევე ცნობილია, რომ „რეალი“ დაიმატება მარცხენა მცველს და დიდ ყურადღებას გაამახვილებს ხოსელუს სტილის ფორვარდის დამატებაზეც.