ტრენტ ალექსანდერ არნოლდმა „ალ ჰილალთან“ მატჩი შეაფასა.

„ჩვენ გამარჯვება გვსურდა, მაგრამ ვერ შევძელით, რის გამოც იმედგაცრუებულები ვართ, თუმცა გვჯერა, რომ მომდევნო ტურებში აუცილებლად მივაღწევთ წარმატებას.“

„მადრიდის „რეალში“ თამაშზე ყველა ოცნებობს. ეს დღე ჩემთვის დაუვიწყარი იქნება, რადგან პირველი თამაში ჩავატარე.“

„მეორე ტაიმში უკეთესები ვიყავით, ვიდრე პირველში, მაგრამ გამარჯვებას ვერ მივაღწიეთ. პენალტი? აქ არავის დადანაშაულება არ შეიძლება,  ეს არის სათამაშო ეპიზოდი და მეტი არაფერი.“

„ბურთის ფლობა მნიშვნელოვანი კომპონენტია, ამ მიმართულებით ბევრს ვმუშაობთ და ახალ სეზონში თვისობრივი ცვლილებები გვექნება.“

„დიდი მადლობა გულშემატკივართა არმიას, რომელიც სტადიონზე იყო შეკრებილი. ფაქტია, რომ მადრიდულ გრანდს ამერიკის შეერთებულ შტატებში უამრავი ქომაგი ჰყავს.“

„ესპანური ენის სწავლას ვაგრძელებ. უკვე რამდენიმე თვეა სწავლის პროცესში ვარ და მივიჩნევ, რომ ეს მნიშვნელოვანი კომპონენტია.“