ლონდონის „არსენალის“ ახალგაზრდა ნიჭიერი მცველი, ლევის სკელი მადრიდის „რეალის“ რადარზე მოექცა.

ფეხბურთელი „არსენალის“ აღზრდილია და ფაქტობრივად ყოველწლიურად ახერხებდა სხვადასხვა ასაკობრივი ჯგუფის წარმატებით დაძლევას, ახლა კი „მეთოფეების“ მთავარი გუნდის წევრი გახლავთ.

სკელი 18 წლის არის და საკმაოდ კარგი სისწრაფით და ტექნიკური მონაცემებით გამოირჩევა, სწორედ ამიტომ მოხვდა ის ჩაბი ალონსოს რადარზე.

ახალგაზრდული ასაკის მიუხედავად, ინგლისელი ფეხბურთელის სატრანსფერო ფასი უკვე შეადგენს 45 მილიონს და საკმაოდ მზარდია.

ფეხბურთელმა პრემიერლიგის შარშანდელ სეზონში 23 თამაში ჩაატარა და ბოლო თვეებში საოცარი პროგრესი აჩვენა.

მადრიდული გამოცემები იუწყებიან, რომ „რეალი“ ამ ფეხბურთელზე აქცენტს იმ შემთხვევაშიც გააკეთებს, თუ კარერასის ტრანსფერი წარმატებით დასრულდება, რადგან გუნდს მარცხენა ფლანგის გაძლიერება ძალიან სჭირდება.

ლონდონელის გამადრიდელების შემთხვევაში, ფრან გარსიასთან ერთად ფერლან მენდის აბარგება გადაწყვეტილი იქნება.