მადრიდის „რეალის“ მთავარ მწვრთნელს დღის გეგმა ჩამოყალიბებული აქვს.

გუნდი დღეს ფინალურ ვარჯიშს გამართავს, ასევე დაგეგმილია ჩაბი ალონსოს ჟურნალისტებთან შეხვედრა და პრესკონფერენციის გამართვა, რომელიც თბილისის დროით დაახლოებით 00:15 საათზე დაიწყება.

დღევანდელი სესია შემაჯამებელი იქნება და ბასკი სპეციალისტი დასკვნით მითითებებს გასცემს, ხვალ კი „ბლანკოსი“ მსოფლიო საკლუბო ჩემპიონატის პირველ შეხვედრას „ალ ჰილალის“ წინააღმდეგ ჩაატარებს.

შეგახსენებთ, მატჩი თბილისის დროით 23:00 საათზე დაიწყება.