„ნიუქასლი“ ზაფხულში სერიოზულ გაძლიერებას გეგმავს და მადრიდის „რეალის“ ერთ-ერთ სატრანსფერო სამიზნეს პრემიერლიგაში ხედავს.

„კაჭკაჭები“ ანჯელო სტილერის სანაცვლოდ 50 მილიონი ევროს გადახდას გეგმავენ, რაც ფლორენტინო პერესის დაწყობილ გეგმებს აშკარად ურევს.

„რეალი“ გერმანელთან დაკავშირებით ჯერ არ ჩქარობდა, მაგრამ „ნიუქასლი“ საქმეზე გადავიდა და ოფიციალური მიმართვა გააკეთა, რამაც შესაძლოა პროცესები დააჩქაროს.

როდრის ტრანსფერი გამორიცხულია, ვირცი „ლივერპულში“ მიდის, სუბიმენდი მაინც „არსენალს“ უახლოვდება, ბარელა „ინტერში“ რჩება, ეს მოცემულობა კი „რეალს“ მეტი აქტიურობისკენ უბიძგებს, ვინაიდან ბაზარზე აღარ არიან ისეთი ნახევარმცველები, რომელსაც ალონსო ითხოვს.

Defensacentral-ის ინფორმაციით, ამ კვირაში ფლორენტინომ შესაძლოა ქმედითი ნაბიჯები გადადგას და სტილერს ბერნაბეუზე გადასვლისკენ უბიძგოს.

დაველოდოთ მოვლენების განვითარებას.