მადრიდის "რეალის" დამრიგებელი, ჟოზე მოურინიო, "ოსერთან" მატჩში საკადრო ცვლილებებს გეგმავს.

გამოცემა "ას"-ის ვარაუდით, დონ ჟოზე ფრანგების წინააღმდეგ ბენზემასა და ლეონის გამწესებას აპირებს სასტარტო შემადგენლობაში.უნდა აღინიშნოს, რომ ქარიმიცა და პედროც მიმდინარე სეზონში მოედანზე ხშირი გამოსვლით არ გამოირჩევიან."მამლების" წარმომადგენელმა, 143 წუთი გაატარა მოედანზე, ხოლო ესპანელმა ნახევარმცველმა 60.

ალბათ, ბევრი უკვე კარგა ხანია ელოდება მოურინიოს ამ გადაწყვეტილებას.საუბარია, ქარიმის თამაშზე და იგუაინის დასვენებაზე.ჩემი აზრით, პიპიტას დასვენება ურიგო არ იქნება, რამეთუ არგენტინელი ნამდვილად შორსაა ჩვეული კონდიციებისგან.ამაზე მეტყველებს ის, რომ გონსალომ მიმდინარე წელს 365 წუთი დაჰყო მოედანზე და გოლის გატანას მხოლოდ ყოველი 246 წუთის შემდეგ ახერხებს, რაც მისთვის ნამდვილად კატასტროფაა (გასულ სეზონში, იგუაინი ყოველი 102 წუთის შემდეგ ლაშქრავდი მეტოქის კარს).

აქვე მინდა გითხრათ, რომ სამეფო გუნდის ახალწვეულებიდან ყველაზე მეტჯერ კარვალიო ვნახეთ საქმეში (540 წუთი), ხოლო დანარჩენ მოთამაშეებს შემდეგი სტატისტიკა აქვთ, ხედირა - 408, ოზილი - 407, დი მარია - 341, კანალესი - 61 და ლეონი 60.