როგორც უკვე ცნობილია, რაულ ასენსიო მადრიდის „რეალს“ ახალ კონტრაქტზე შეუთანხმდა.

ამ პროცესებს კი წინ უსწრებდა „პსჟ“-ს რიგით მეორე შეთავაზება, რომელიც მრავალმილიონიანი გახლდათ.

ნასერ ალ ჰელაიფი მზად იყო, ასენსიოსთვის 6 წლიანი კონტრაქტი გაეფორმებინა, სადაც ესპანელი მცველის წლიური ხელფასი 8.5 მილიონი ევრო იქნებოდა.

ეს შემოსავალი გაცილებით აღემატება იმ ხელფასს, რომელსაც ასენსიოს ფლორენტინო პერესი მისცემს, თუმცა აღსანიშნავია, რომ ახალ შეთანხმებაში ჩაიდება პუნქტი, რომლის მიხედვითაც, 2027 წლიდან რაულის ხელფასი 30%-ით გაიზრდება.