Confidencial-ის ინფორმაციით, დავიდ ალაბა ბრძოლისთვის მზად არის და გუნდის ხელმძღვანელობას უთხრა, რომ გადაწყვეტილება მიიღო.

ავსტრიელი ფეხბურთელი საკუთარ შესაძლებლობებში დარწმუნებულია და ზუსტად იცის, რომ კვლავ დაბრუნდება მოწოდების სიმაღლეზე.

თუ „რეალს“ საწინააღმდეგო არაფერი აქვს, დავიდი ახალ სეზონში გუნდთან ერთად იქნება და კონტრაქტით გათვალისწინებულ ვადებს შეასრულებს.

ალაბა დარწმუნებულია, რომ ახალ სეზონში ძველ დონეს აჩვენებს და გუნდს დაარწმუნებს საკუთარ შესაძლებლობებში.

იმ ფონზე, რომ რუდიგერი და მილიტაო გამოჯანმრთელების პროცესში არიან და გუნდმა დაიმატა დინ ჰოისენიც, ალაბას შანსები მცირდება, თუმცა მას მოცემულობის არ ეშინია და მზად არის იბრძოლოს.

„მარკას“ ინფორმაციით, მსოფლიო საკლუბო მუნდიალზე ალონსო ალაბას დააკვირდება.