დანი კარვახალმა შეერთებულ შტატებში პირველი ვარჯიში ჩაატარა და ჟურნალისტებთან ისაუბრა.

„მიხარია, რომ ინტენსიურ ვარჯიშებში ვიღებ მონაწილეობას. ძალიან მნიშვნელოვანია ვიცოდეთ, რა გვინდა და რისკენ მივდივართ. ჩაბი ალონსოს აქვს მკაფიო იდეები, რომელიც ძალიან მომწონს და მივიჩნევ, რომ ეს ვარჯიშები აუცილებლად მოიტანს შედეგს.“

„პირად დონეზე კმაყოფილი ვარ. მსოფლიო საკლუბო ჩემპიონატში მონაწილეობა ჩემთვის დიდი პატივია. „რეალმა“ უნდა გაიმარჯვოს და ისტორიაში შევიდეს, როგორც პირველი გამარჯვებული.“

„ალონსო ახალ ისტორიას დაწერს, ამაში დარწმუნებული ვარ. მნიშვნელოვანია, რომ ყველა ფეხბურთელმა გაითავისოს მიდგომა, რომელიც ესპანელს აქვს, ის ძალიან მოტივირებულია და დიდ მუხტს გვაძლევს.“