ჩაბი ალონსომ „რეალის“ ფეხბურთელებს ამერიკაში საინტერესო მითითებები მისცა.

აღსანიშნავია, რომ მცველებთან საუბრისას ბასკმა სპეციალისტმა თქვა, რომ როგორც ფლანგელებს, ასევე ცენტრალურ რგოლს მუდმივი მოძრაობა მოუწევს. ბრძოლა ყველა ბურთისთვის ჩაბის მთავარი ამოსავალი წერტილია.

ასევე საინტერესო და ხაზგასასმელი იყო საუბარი შემტევებთან.

„თქვენ არ მოგიწევთ დაცვაში იმდენი სირბილი, რამდენიც მცველებს, მაგრამ თქვენ მოგიწევთ ძალიან ბევრი სირბილი მეტოქის ნახევარზე, ვინაიდან გვჭირდება მუდმივი პრესინგი, თქვენ უნდა იყოთ მცველები მეტოქის ნახევარზე და ეცადოთ, რომ მეტოქეს შეტევების წამოწყების საშუალება არ მისცეთ“-ეს სიტყვები მთავარ მწვრთნელს ეკუთვნის.

ჩაბი გუნდში თვისობრივ ცვლილებებს ახდენს და მიიჩნევს, რომ „რეალი“ ახალ სეზონში ძალიან დინამიური უნდა იყოს.