დავიდ ალაბამ მადრიდის „რეალი“ შესაძლოა დატოვოს, თუმცა ყველაფერი მსოფლიო საკლუბო ჩემპიონატსა და მის შემდგომ პერიოდზე იქნება დამოკიდებული.

ავსტრიელი ფეხბურთელი ინტენსიურად ვარჯიშობს იმისთვის, რომ სისწრაფე დაიბრუნოს და შეძლოს მოწოდების სიმაღლეზე დგომა.

ჩაბი ალონსო დავიდს კარგად იცნობს, ის მიუნხენის „ბაიერნის“ რიგებში ყოფნის დროს ავსტრიელთან ბრწყინვალე ურთიერთობაში იყო, თუმცა თუ მოთამაშე  ფორმას ვერ აკრეფს, ფაქტობრივად უშანსოდ რჩება.

ჩაბი დავიდს შანსს აუცილებლად მისცემს, მაგრამ ყველაფერი თავად ფეხბურთელზე იქნება დამოკიდებული.

დავიდისთვის მომდევნო 4-5 კვირა გადამწყვეტი იქნება, შემდეგ კი გადაწყვეტილებას მიიღებს.