ჩაბი ალონსოს აზრით, კილიან მბაპეს მადრიდის „რეალში“ ცენტრალური ფორვარდის პოზიცია არ უნდა ჰქონდეს.

მიუხედავად იმისა, რომ ფრანგმა ფეხბურთელმა ყველა რეკორდი მოხსნა და სასტარტო სეზონში ისტორიაში ყველაზე მეტი გოლი გაიტანა, ალონსო მეტს ითხოვს.

ესპანელი სპეციალისტი მიიჩნევს, რომ მბაპეს ფიქსირებული ფორვარდის პოზიცია არ უნდა ჰქონდეს და სრული თავისუფლება მას კიდევ უფრო პროდუქტიულს გახდის.

როდესაც გუნდს წინა ხაზში მხოლოდ 2 ფეხბურთელი ეყოლება, ვინისიუსს და მბაპეს სრული თავისუფლება მიეცემათ, ხოლო 3 ფორვარდიან სისტემაში, მბაპე როტაციაშიც იქნება ჩართული და ცენტრიდანაც შეუტევს.

ალონსოს აზრით, პირველი სეზონის შემდეგ კილიანი კიდევ უფრო პროდუქტიული უნდა გახდეს, რადგან მას არანაირი ფსიქოლოგიური ზეწოლა აღარ აქვს.