ფედე ვალვერდემ ამერიკის შეერთებულ შტატებში გამგზავრებამდე ჟურნალისტებთან ისაუბრა.

„ჩვენი მოტივაცია ძალიან მაღალია. გვსურს, რომ მსოფლიო საკლუბო ჩემპიონატი მოვიგოთ და სეზონი წარმატებით დავასრულოთ. აუცილებლად აღსანიშნავია ჩაბი ალონსოს ეფექტი, რომელიც საოცარ ტემპს ითხოვს. ყველა ვარჯიშზე ბოლომდე ჩართულია და ცდილობს, მოთამაშეებისგან მაქსიმუმი მიიღოს.“

„ვულოცავ ტრენტს და ჰოისენს, ისინი საუკეთესო კლუბში მოხვდნენ და დარწმუნებული ვარ, ახალი გამოცდილება უნიკალური იქნება.“

„მასტანტუონო? ის ბრწყინვალე შენაძენია, ეჭვი არ მეპარება, ბერნაბეუზე გაიბრწყინებს, ჩვენ კი ყველა კომპონენტში დავეხმარებით.“

„პირად დონეზე არანაირი პრობლემა არ მაქვს. საკლუბო მუნდიალის შემდეგ კარგად დასვენებას ვგეგმავ, შემდეგ კი ძალიან მნიშვნელოვანი პრე-სეზონი გველის. ამ სეზონში ბევრი პრობლემა გვქონდა, სწორედ ამიტომ, ახალი სეზონისთვის კიდევ უფრო მეტი შემართებით მოვემზადებით.“

„ახალ სამწვრთნელო შტაბთან ადაპტაციისთვის დრო ყველა ვარიანტში დაგვჭირდება, საკლუბო მუნდიალი კი ამაში დაგვეხმარება. როდესაც ახალი სპეციალისტი მოდის, მას აქვს მიდგომები, რომელიც უნდა გაითავისო.“