მადრიდის „რეალი“ ფრანკო მასტანტუონოს ტრანსფერთან დაკავშირებით ოფიციალური განცხადების გასაკეთებლად ემზადება.

აბსოლუტურად ყველა ავტორიტეტული გამოცემა იუწყება, რომ არგენტინელი ფეხბურთელი უკვე „ბლანკოსის“ საკუთრებაა.

რაც არ უნდა გასაკვირი იყოს, ჩაბი ალონსო მასტანტუონოს სასტარტო შემადგენლობის ფეხბურთელად მოიაზრებს და მიიჩნევს, რომ ასაკი არაფერს ცვლის.

ლამინ იამალი ბრწყინვალე მაგალითია იმისა, რომ თუ ნიჭი და შესაძლებლობები არსებობს, ასაკი ვერ იქნება სკამზე ჯდომის საფუძველი.

მასტანტუონოს გამადრიდელება ავტომატურად ნიშნავს არდა გიულერთან და სხვა ფეხბურთელებთან კონკურენციაში შესვლა, რაც დამატებით ართულებს ბრაჰიმ დიასის შანსებს, რომელიც ისედაც არასდროს განიხილება სასტარტო შემადგენლობის მოთამაშედ.

დიასი ახლა ამერიკაში გაყვება გუნდს, მაგრამ ახალ სეზონს დაიწყებს თუ არა ჩაბი ალონსოსთან ერთად არავინ იცის.

ესპანური გამოცემების ცნობით, თუ მაროკოელი ფეხბურთელი ახალი მწვრთნელის გეგმებში არ შევა, ფლორენტინო პერესი მას 50-55 მილიონი ევროს ფარგლებში გაყიდის.