ალვარო კარერასსა და მადრიდის „რეალის“ გენერალურ დირექტორს შორის საუბარი შედგა.

ესპანელმა ფეხბურთელმა მადრიდული გრანდისგან მიიღო მყარი გარანტია იმის შესახებ, რომ მსოფლიო საკლუბო ჩემპიონატის დასრულების შემდეგ, „რეალი“ „ბენფიკასთან“ შეთანხმებასაც დაასრულებს.

მადრიდული გუნდი გაოცებულია დამოკიდებულებით, რომელსაც პორტუგალიური კლუბი იჩენს.

თითქოს ყველაფერი შეთანხმებული იყო და თავად ფეხბურთელიც ღიად გამოთქვამდა „ბლანკოსში“ გადასვლის სურვილს, მაგრამ „ბენფიკას“ ხელმძღვანელობამ დამატებითი მოთხოვნები წამოაყენა.

ესპანური გამოცემების ცნობით, ამ შეთანხმებას ხელს ვერაფერი შეუშლის და ტრანსფერი დროის ამბავია.