მოგეხსენებათ, მადრიდის "რეალი" წინა ხაზში აშკარად პრობლემებს განიცდის, გუნდი მრავალი მცდელობის მიუხედავად ვერ ახერხებს მეტოქეთა კარის დალაშქვრას რაც ნეგატიურად აღინიშნება მათ შედეგებზე...

ხორხე ვალდანო და ფლორენტინო პერესი უკვე დიდი ხანია ინტერესდებიან მანჩესტერ სიტის ტოგოელი ფორვარდის, ემანუელ ადებაიორის შეძენით. იყო მოლაპარაკებებიც, მაგრამ თანხაზე ვერ შეთანხმების გამო გარიგება არ იქნა შემდგარი.

ახლა კი სიტუაცია კრიტიკულია და "ბლანკოსი" ვალდებულია შეიძინოს კვალიფიციური ფორვარდი, რომელიც მეტოქის კარის დალაშქვრას ხშირად შეძლებს. ვრცელდებოდა ჭორები იმის შესახებ, რომ სიტის მთავარ მწვრთნელსა და ადებაიორს შორის დაპირისპირება იყო, მაგრამ შემდეგ გავრცელდა ინფორმაცია, რომ ყველაფერი მოგვარდა და ტოგოელი ფეხბურთელი ინგლისში რჩებოდა.

დღეს გავრცელებული ინფორმაციით, ზამთარის სატრანსფერო ფანჯრის დროს "რეალი" კიდევ ერთხელ დაუკავშირდება მანჩესტერული გუნდის ხელმძღვანელობას და პირობებს შესთავაზებს, რადგან ესპანური გუნდი მწარე რეალობის წინაშე დადგა, სატრანსფერო თანხა ჯერ-ჯერობით არ სახელდება.