ესპანური გამოცემების ცნობით, მარტინ სუბიმენდისა და მადრიდის „რეალის“ მოლაპარაკებები მაინც ჩავარდა.

ინფორმაცია 100%-ით დადასტურებული არ არის, მაგრამ ფაქტია, რომ ლონდონის „არსენალი“ ნახევარმცველთან შეთანხმებას მალე გამოაცხადებს.

ჯერ კიდევ 2 დღის წინ ვრცელდებოდა ინფორმაცია, რომლის მიხედვითაც, ესპანელმა „მეთოეებთან“ არსებული სიტყვიერი შეთანხმება დაარღვია და „ბლანკოსთან“ დაიწყო მოლაპარაკებები.

„მარკას“ ცნობით, „მეთოფეები“ სიტუაციის დროულ გამოსწორებას აპირებენ და რაც შეიძლება მალე სურთ კონტრაქტზე ხელის მოწერა.

ფაქტია, რომ მარტინთან დაკავშირებით არაერთგვაროვანი ინფორმაციები ვრცელდება, თუმცა მალე ყველაფერი უნდა გაირკვეს.