ჰოისენი:„მსოფლიოს საუკეთესო კლუბში მოხვედრის შანსი მომეცა“
დინ ჰოისენმა „რეალის“ ფეხბურთელის რანგში პირველი პრესკონფერენცია გამართა.
„მე ავირჩიე „რეალი“, რადგან ეს კლუბი მსოფლიოში საუკეთესოა. ვერ გამოვტოვებდი ასეთ შემოთავაზებას და ვერ ვიფიქრებდი სხვებზე. ძალიან ბედნიერი და მოტივირებული ვარ, თუმცა ვხვდები, რამხელა პასუხისმგებლობა მაკისრია.“
„ჩაბი ალონსოსთან საუბარი მქონდა, თუმცა ჩვენ უფრო მეტს მომდევნო დღეებში ვისაუბრებთ. მან მითხრა, რას ელის ჩემგან და ვეცდები, ავანსები გავამართლო.“
„ნაკრებში თამაში ჩემი ოცნება იყო, რომელიც ავიხდინე, ახლა კი საკლუბო დონეზე დიდი გამოწვევების მიღების დროა.“
„ფეხბურთი ყველაზე მეტად მიყვარს და ვცხოვრობ სპორტის ამ სახეობით. მშვიდი ადამიანი ვარ და ვცდილობ, რომ თავიდან ბოლომდე ფეხბურთზე ვკონცენტრირდე. ემოციებზე აყოლა ჩემი სტილი არ არის.“
„არასდროს დამავიწყდება „ლა დესიმას“ ფინალი, მაშინ ძალიან პატარა ვიყავი და სერხიო რამოსის გოლმა აღმაფრთოვანა, მას შემდეგ ესპანელი ლეგენდა ჩემი კუმირი გახდა.“
„როდესაც „ბლანკოსში“ გადმოსვლის შესახებ ოფიციალური განცხადება გაკეთდა, სერხიმ შეტყობინება გამომიგზავნა და წარმატებები მისურვა.“
„ყოველთვის ვცდილობ ვპროგრესირდე. დღესდღეობით ცენტრალური მცველის საქმე მხოლოდ კარის უსაფრთხოებაზე ფიქრი არ არის.“
„ჟოზე მოურინიო უდიდესი მწვრთნელია. დიახ, იყო დრო როდესაც მან დამირეკა და „რომაში“ გადასვლა მთხოვა. რთულია მასთან საუბარი, რადგან დიდ ავტორიტეტს ფლობს.“
- 10 ივნისი 2025
- 756
- 6
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
