მაშ ასე, ჩაბი ალონსომ მადრიდის „რეალის“ მთავარი მწვრთნელის რანგში პირველი ვარჯიში ჩაატარა.

დღევანდელ სესიაზე ძირითადი გუნდის ფეხბურთელებიდან დანი კარვახალი, მილიტაო, დავიდ ალაბა, ბრაჰიმ დიასი, რაულ ასენსიო, როდრიგო გოეში, ფრან გარსია  და დანი სებალიოსი გამოჩნდნენ.

ალონსომ სესიაზე დაიბარა 11 კანტერანოც, რომლებმაც ახალი მწვრთნელის მითითებები შეასრულეს.

ვარჯიშზე დიდი ყურადღება დაეთმო ფიზიკურ კონდიციებს, ტაქტიკურ მონახაზებს, მოკლე სივრცეში კომბინაციურ თამაშს, სტანდარტებს და კარში დარტყმებს.

რუდიგერი, მენდი, ენდრიკ ფელიპე და კამავინგა აღდგენით პროცესს განაგრძობენ.

სატრენაჟორო დარბაზში ივარჯიშა ფედერიკო ვალვერდემ, რომელმაც მთელი დღე ფიზიკურ კონდიციებს მიუძღვნა.