„კომოს“ ხელმძღვანელობა და კონკრეტულად სესკს ფაბრეგასი, არდა გიულერის დამატების იმედს არ კარგავს.

თურქ ფეხბურთელს იტალიური მხარე 2 წლიან საიჯარო ხელშეკრულებას სთავაზობს, თანაც თანახმაა, რომ 1 წელიწადში „რეალმა“ სურვილის შემთხვევაში, მოთამაშის უკან დაბრუნება შეძლოს.

კომოელები მადრიდელ ახალგაზრდას პირდებიან, რომ მუდმივ სათამაშო დროს მისცემენ და ამ მხრივ არდას პრობლემები არ ექნება.

სესკ ფაბრეგასი ახალგაზრდა ფეხბურთელთან პირადად ცდილობს კავშირის დამყარებას, მაგრამ ამ ეტაპზე კომუნიკაცია არ არსებობს, ვინაიდან არდას სამეფო კლუბისგან ნებართვა არ აუღია.

ასევე ვრცელდება ინფორმაცია, რომლის მიხედვითაც, „კომო“ მზად არის, არდას მთელი წლის ხელფასის 100% დაფაროს.