ჯერ კიდევ 3 კვირის წინ გახდა ცნობილი, რომ მარტინ სუბიმენდი კარიერას ლონდონის „არსენალში“ გააგრძელებდა, მაგრამ სიტუაცია შეიცვალა.

ესპანელმა ნახევარმცველმა პრემიერლიგაში ტრანსფერი თავად ჩაშალა, მიზეზი კი მადრიდის „რეალია“, სადაც მთავარ მწვრთნელად ჩაბი ალონსო დაინიშნა.

ახლა სუბიმენდი „სოსიედადის“ ფეხბურთელად ითვლება და მადრიდის „რეალთან“ აწარმოებს მოლაპარაკებებს. თავის მხრივ, ჩაბის მარტინის კანდიდატურა ძალიან მოსწონს და მიიჩნევს, რომ ის „მერენგების“ რიგებს მნიშვნელოვნად გააძლიერებს.

ლონდონში სუბიმენდის გადაწყვეტილებას არაერთგვაროვანი რეაქციები მოყვა, თუმცა მიკელ არტეტა სიტუაციის ფორსირებას აღარ აპირებს და მარტინთან კომუნიკაციასაც წყვეტს.