ესპანური გამოცემების ცნობით, ვიქტორ ოსიმენი მადრიდის „რეალის“ ინტერესის არეალშია.

სამეფო  კლუბის პრეზიდენტს, ფლორენტინო პერესს ნიგერიელ ფორვარდთან დაკავშირებით საკუთარი ხედვა აქვს.

თუ ოსიმენი ძალიან მაღალ ხელფასს არ მოითხოვს და სამეფო კლუბის სახელფასო სტანდარტებში ჩაჯდება, პერესი მასთან თანამშრომლობას განიხიალვს.

ვიქტორი ტიპიური „9“-იანი, რომელიც შესანიშნავად თამაშობს მეორე სართულზეც. მისი სისწრაფე, დარტყმა, პასი და სხვა მონაცემები, სრულ თანხვედრაშია მოთხოვნებთან, რომელიც „ბლანკოსს“ აქვს.

ასევე ცნობილია, რომ ოსიმენის სატრანსფერო უფლებები „ნაპოლის“ ეკუთვნის, სწორედ ამიტომ, მადრიდულ მხარეს საერთო ენის გამონახვა დე ლაურენტისთან მოუწევს.