დინ ჰოისენი ესპანეთის ნაკრებთან ერთად იმყოფება. ახალგაზრდა მადრიდისტას ჟურნალისტებმა „რეალზე“ ჰკითხეს.

„ახლა ჩემი ყურადღება თავიდან ბოლომდე ნაკრებზეა გადატანილი, მაგრამ მადრიდის „რეალში“ პირველ ვარჯიშს მოუთმენლად ველი.“

„რა თქმა უნდა, მსურს თანაგუნდელების კარგად გაცნობა და საერთო სიტუაციის გათავისება.“

„ვფიქრობ, მსოფლიო საკლუბო ჩემპიონატი დამეხმარება იმაში, რომ ადაპტაცია სწრაფად გავიარო. ახალ სეზონს მოწოდების სიმაღლეზე შევხვდები.“

„„რეალის“ ცენტრალური მცველები? ვფიქრობ, ალაბასგან, მილისგან და რუდიგერისგან ძალიან ბევრის სწავლა შეიძლება. ასენსიო? ის ჩემი კარგი მეგობარია და მჯერა, მომავალში ბევრს შევძლებთ.“