ედუარდო კამავინგაზე მადრიდის „რეალში“ დიდ იმედებს ამყარებენ, მაგრამ 2024/25 წლების სეზონი ფრანგის აქტივში ნამდვილად ვერ ჩაიწერება.

ფრანგმა ფეხბურთელმა არერთი ტრავმა მიიღო და მატჩების დიდი რაოდენობა გამოტოვა, რამაც საბოლოო ჯამში მისი ფასი 100-იდან 70 მილიონ ევრომდე შეამცირა.

კამას ტრავმებზე ალონსოს ბევრი ექნება სამუშაო. სამწუხაროდ, გამოიკვეთა საგანგაშო კონტურები, რომელიც ფრანგის დაზიანებებისკენ მიდრეკილებას უკავშირდება.

ედუარდოს როლი ახალ სეზონში უნდა გაიზარდოს, თანაც იმ ფონზე, რომ გუნდს ლუკა მოდრიჩიც ემშვიდობება.

ფლორენტინო პერესთან შეხვედრისას ალონსომ ღიად დააფიქსირა, რომ ედუარდოს შესაძლებლობების სჯერა და მისი სისწრაფე და ტექნიკური მახასიათებლები სრულფასოვნად იქნება გამოყენებული.