ესპანური გამოცემების ცნობით, „პსჟ“ ფრანკო მასტანტუონოს დასამატებლად ყველაფერს იღონებს.

ლუის ენრიკე არგენტინელ ამომავალ ვარსკვლავთან პირად კავშირზეა და მაქსიმალურად ცდილობს მის გადარწმუნებას.

ამის პარელელურად, მადრიდის „რეალის“ პრეზიდენტის დავალებით ხუნი კალაფატი უკვე გაემგზავრა ბუენოს-აირესში, რათა ფეხბურთელის გარემოცვის დაყოლიება შეძლოს.

„მარკას“ ცნობით, თუ „ბლანკოსის“ გეგმა დროულად განხორციელდება, ფრანკო მადრიდისტა შესაძლოა კვირის ბოლომდეც გახდეს.

რაც შეეხება, ჩემპიონთა ლიგის მოქმედ გამარჯვებულს. „პარისენჟერმენი“ ბრძოლაში მოწინავე პოზიციას იკავებს და სხვა კლუბებს აღემატება, თუმცა ეს არ ვრცელდება სამეფო კლუბზე.