მადრიდის „რეალს“ დაცვის ცენტრის გაძლიერება ჯერ არ დაუსრულებია. არაერთი ავტორიტეტული გამოცემის ცნობით, ფლორენტინო პერესს მილანის „ინტერის“ ცენტრალური მცველის დამატება სურს.

საქმე ეხება ალესანდრო ბასტონის, რომლის ფასიც ბოლო წლებში მნიშვნელოვნად არის გაზრდილი. იტალიელი უკანახაზელი ამ სეზონშიც მოწოდების სიმაღლეზე იდგა და „ბლანკოსის“ პრეზიდენტის ყურადღება მიიპყრო.

მოქმედი კონტრაქტი, რომელიც ალესანდროს „შავ-ლურჯებთან“ აკავშირებს 2028 წლის 30 ივნისამდეა ძალაში.

არსებული ცნობით, „ბლანკოსი“ იტალიელის სანაცვლოდ დაახლოებით 70 მილიონი ევროს გადახდას გეგმავს, სადაც ასევე დამატებით იქნება გათვალისწინებული საბონუსე სისტემაც.