იტალიურმა „მილანმა“ ლუკა მოდრიჩს ოფიციალური წინადადებით მიმართა.

ფეხბურთელი, რომელიც 9 სექტემბერს 40 წლის ხდება, „როსონერისგან“ წლიან შეთავაზებას იღებს.

იტალიური გამოცემების ცნობით, ეს იქნება ბრწყინვალე შესაძლებლობა იმისთვის, რომ ლუკიტამ ფორმის შენარჩუნება შეძლოს და მსოფლიოს 2026 წლის ჩემპიონატზე მოწოდების სიმაღლეზე იდგეს.

ხორვატი ფეხბურთელი ამ ეტაპზე იტალიელებთან მოლაპარაკებების პროცესშია, ის სამშობლოში იმყოფება და გუნდთან ერთად ვარჯიშობს.

რაც შეეხება სხვა ვარიანტებს. ყველაზე მეტად „მილანთან“ ერთად ამერიკული კლუბები აქტიურობენ, განსაკუთრებით კი ამის თქმა „მაიამის ინტერზე“ შეიძლება.