ესპანური და ბრიტანული გამოცემების ცნობით, მადრიდის „რეალი“ მანჩესტერ „სიტის“ ნახევარდაცვის ვარსკვლავის, როდრის დამატებაზე სერიოზულად ზრუნავს.

როდრის დიდ პატივს სცემს, ჩაბი ალონსო და მიიჩნევს, რომ ტრანსფერის შემთხვევაში, „რეალის“ ნახევარდაცვაში მნიშვნელოვანი მატება იქნება. 

ესპანელი ფეხბურთელი 28 წლის არის, მაგრამ აქ ასაკს გადამწყვეტი მნიშვნელობა არ აქვს. სწორედ 28 წლის ასაკში გადავიდა ლუკა მოდრიჩი ბერნაბეუზე, მაგრამ კლუბის ისტორიის ყველაზე ტიტულოვანი ფეხბურთელი გახდა.

ესპანელების ცნობით, მადრიდის „რეალი“ მზად არის, ხოსეპ გვარდიოლას გუნდს 130 მილიონი ევრო გადაუხადოს.

ასევე მუშავდება ალტერნატიული გეგმა, რომელიც როდრის გამადრიდელებას 2026 წლის ზაფხულში ითვალისწინებს, ვინაიდან მოთამაშეს „სიტისთან“ კონტრაქტი 2027 წლამდე აკავშირებს და მომდევნო ზაფხულს მისი ფასი საკონტრაქტი ვადების გამო შემცირდება.