ტეო ერნანდესს საუდის არაბეთის რამდენიმე კლუბი ეპატიჟება. ფრანგი ფეხბურთელი ამ ეტაპზე მოლაპარაკებებისგან თავს იკავებს.

ის, რომ მარცხენა მცველი „მილანის“ რიგებს დატოვებს, გადაწყვეტილია, მაგრამ მოთამაშეს „რეალში“ თამაშის იმედი აქვს.

მიუხედავად იმისა, რომ ფლორენტინო პერესმა ალვარო კარერასი უკვე იყიდა და მალე „ბლანკოსი“ ოფიციალურ განცხადებას გააკეთებს, ტეოს ბერნაბეუზე თამაში მაინც სურს და არც კონკურენციის ეშინიას.

„ალ ჰილალი“ და კიდევ რამდენიმე კლუბი განაპირა მცველს საოცარ კონტრაქტს სთავაზობს, თუმცა ტეოს ჯერ-ჯერობით პაუზა აქვს აღებული.

„მარკას“ ინფორმაციით, ფეხბურთელი თავად ცდილობს „მერენგებთან“ ხშირ კომუნიკაციას, თუმცა რა გამოვა ამ საქმიდან ჯერ არავინ იცის.