კილიან მბაპე მადრიდის „რეალში“ სეზონის საუკეთესო ფეხბურთელად დასახელდა.

ფრანგმა ფეხბურთელმა ლა ლიგაში 31 გოლის გატანა შეძლო და „პიჩიჩის“ ჯილდო მიიღო, ყველა ტურნირზე კი უკვე „40“-იან ნიშნულს გადაცდა.

ამასთან ერთად აღსანიშნავია, რომ შემტევმა სასტარტო სეზონში გატანილი გოლების რაოდენობის მიხედვით „რეალის“ ისტორიის რეკორდი დაამყარა.

„ძალიან ვამაყობ და ბედნიერი ვარ. ეს ჩემთვის მართლაც ძალიან ღირსეული ჯილდოა. მჯერა, რომ კიდევ უფრო მოვუმატებ, წინ კი მსოფლიო საკლუბო ჩემპიონატი და დიდი გამოწვევები გველის“-განაცხადა კილიანმა.