ტეო ერნანდესის მთავარი მიზანი ამ ზაფხულს „მილანის“ დატოვება იქნება. განაპირა მცველი მიიჩნევს, რომ „როსონერიში“ დარჩენა მის კარიერულ უკუსვლას გამოიჩენს. „შავ-წითლებისთვის“ მიმდინარე სეზონი ძალიან წარუმატებელი გამოდგა.

„მილანი“ ევროზონაშიც ვერ მოხვდა. ეს გუნდი ვერც ჩემპიონთა ლიგაზე, ვერც ევროპის თასზე და ვერც კონფერენს ლიგაზე იასპარეზებს, რაც ტეოს განსაკუთრებულ უკმაყოფილებას იწვევს.

არსებული ინფორმაციით „რეალის“ ყოფილი ფეხბურთელი თავად არის გააქტიურებული და მადრიდულ მხარესთან კომუნიკაციას ცდილობს.

ტეო მზად არის, ნებისმიერ გამოწვევას უპასუხოს და ბერნაბეუზე თავი დაიმკვიდროს.

მადრიდული გამოცემების ცნობით, ერნანდესი იმ შემთხვევაშიც თანახმა იქნება „ბლანკოსში“ თამაშზე, თუ კლუბი ალვარო კარერასს დაიმატებს. ეს კი იმას ნიშნავს, რომ მოთამაშე კონკურენციას არ გაურბის.

ჯერ-ჯერობით უცნობია „ბლანკოსის“ პოზიცია, თუმცა ის, რომ ფლორენტინო პერესი ერნანდესში 50 მილიონამდე არ გადაიხდის ცხადია.