როგორც ჩანს, ტაკეფუსა კუბო მადრიდის „რეალში“ აღარ დაბრუნდება.

კარლო ანჩელოტიმ იაპონელი ფეხბურთელი არცერთ მომენტში არ დაიბრუნა, ახლა კი არც ალონსოს გეგმებში შედის შემტევი, რომელიც „სოსიედადის“ ღირსებას იცავს, მაგრამ მაღალი ალბათობით 2025 წლის ზაფხულში გაიყიდება.

პერესს პრივილეგია აქვს, მას იაპონელის გამოსყიდვა შეუძლია, ასევე ცნობილია, რომ თუ ტაკე სხვა კლუბში წავა, სატრანსფერო ღირებულების 50%-ს „რეალი“ მიიღებს.

ჩაბი ტაკეფუსაზე პრეტენზიას არ გამოთქვამს, რაც სხვა კლუბებს მეტ შანსს აძლევს.

მიუხედავად იმისა, რომ „ბლანკოსის“ ახალი დამრიგებელი მარცხენა ფეხით მოთამაშე შემტევის დამატების პერსპექტივით მოხიბლულია, იაპონელი მის გემოვნებაში არ ჯდება.