სტივ მაკმანამანის აზრით, „რეალის“ ნახევარდაცვაში საქმე არც ისე ცუდადაა, როგორც ეს ერთი შეხედვით ჩანს.

„კროოსი წავიდა და „რეალს“ კრეატიული ნახევარმცველების პრობლემა შეექმნა, ახლა კი გუნდს ლუკა მოდრიჩიც ტოვებს, რაც დამატებითი პრობლემაა, მაგრამ მივიჩნევ, რომ სწორი პოლიტიკის გატარების შემთხვევაში ნახევარდაცვაში ყველაფერი დალაგდება.“

„არდა გიულერის მოედნის ხედვა, სათამაშო სტილი და ინტელექტი ნამდვილად მაძლევს იმის თქმის საფუძველს, რომ მასზე გათვლის გაკეთება სრულიად შესაძლებელია.“

„თურქი ფეხბურთელი მომწონს, ის კარგად კითხულობს თამაშს და აქვს შესაბამისი ტექნიკური მახასიათებლებიც.“

„ახალი ნახევარმცველი? ალბათ „ბლანკოსის“ ხელმძღვანელობა ხვდება, რომ შუა რგოლი გასაძლიერებელია, მაგრამ როდესაც გუნდში კამავინგა, ჩუამენი, ვალვერდე, ბელინგემი, სებალიოსი და გიულერი გყავს, ბევრი ნერვიულობის საფუძველი არ არსებობს.“