ლონდონის „არსენალის“ ხელმძღვანელობამ როდრიგო გოეშთან პირდაპირი მოლაპარაკებები დაიწყო და აღნიშნულის შესახებ მადრიდის „რეალიც“ ინფორმირებულია.

ბრიტანული და ესპანური გამოცემების ცნობით, მხარეები წლიურად 10 მილიონიან ხელფასზე საუბრობენ, კონტრაქტის ჯამური ვადა კი პირველ ეტაპზე 5 წელი იქნება, რომელიც 2030 წლის ზაფხულში ამოიწურება.

არსებული ინფორმაციით, როდრიგოს პარალელურად „სიტიც“ ესაუბრება და ხოსეპ გვარდიოლა მის დათმობას არ აპირებს, თუმცა ამ ეტაპისთვის მოწინავე პოზიციაზე ლონდონური კლუბი გახლავთ.

გოეში ახლა აღდგენით პროცესშია, მას ბარძაყის მიკრო ტრავმა აქვს და გუნდის დახმარებას ვერ ახერხებს.