მიუხედავად იმისა, რომ არგენტინელ ენცო ფერნანდესს „ჩელსისთან“ მრავალწლიანი კონტრაქტი აკავშირებს, „რეალს“ მისი დამატების იმედი მაინც აქვს.

ჩაბი ალონსოს სასურველი ნახევარმცველების სიაში ენცოც ჰყავს შეყვანილი. ფერნანდესი ასაკის, სათამაშო სტილის და კიდეც ბევრი კომპონენტის გამო, „რეალის“ რადარზე სავსებით სამართლიანად არის მოხვედრილი.

არსებული ცნობით, ლონდონის „ჩელსი“ ფეხბურთელის გაყიდვის კატეგორიული წინააღმდეგია, მაგრამ პერესი ბრძოლას მაინც გეგმავს.

ფერნანდესის ფასი ამ ეტაპისთვის 75 მილიონ ევროს შეადგენს, მის ხელშეკრულებას კი ვადა 2032 წლის 30 ივნისს ეწურება.