„მარკას“ ინფორმაციით, ხუნი კალაფატს ფლორენტინო პერესისგან სპეციალური დავალება აქვს მიღებული.

ივნისის დასაწყისში ხუნიმ უნდა წარმოადგინოს დეტალური ანგარიში, რომელიც სამ ნახევარმცველს შეეხება.

„რეალს“ ძალიან სურს შუა რგოლის განვითარება, ეს ჩაბი ალონსოს მოთხოვნაც გახლავთ, სწორედ ამიტომ, კალაფატმა ყველა არგუმენტით უნდა შეძლოს ფლორენტინო პერესის დარწმუნება ამა თუ იმ ფეხბურთელის შესაძლებლობებში.

კროოსის ეპოქა დასრულდა, მოდრიჩის ეპოქაც სრულდება, გუნდს კი სჭირდება კრეატიული ფეხბურთელი, რომელსაც შეეძლება ბურთის დაჭერა, შეტევების წამოწყება და ასე შემდეგ.

არსებული ცნობით, „ბლანკოსის“ რადარზე არიან როგორც ინგლისის, ასევე გერმანიის და იტალიის ჩემპიონატში მყოფი ფეხბურთელები.