ფლორენტინო პერესს სამომავლო პერსპექტივები უკვე განხილული აქვს და მომდევნო წლებში „რეალის“ რიგებში ბევრი ესპანელის მოყვანას გეგმავს.

პოლიტიკა გაცხადებულია, ჩაბის ფორმაციის სამეფო კლუბში ბევრმა ესპანელმა უნდა ითამაშოს. დინ ჰოისენის შემდეგ „რეალი“ ალვარო კარერასის ტრანსფერს ასრულებს.

გუნდი ასევე მუშაობს გრიმალდოს საკითხზე. გარდა ამისა, განიხილება მომდევნო წლის სამოქმედო გეგმაც, სადაც ესპანელების სიჭარბეა.

პერესი გადაწყვეტილებას იმით ასაბუთებს, რომ ესპანეთის ნაკრებს შესანიშნავი შედეგები აქვს, ნაკრებში კი საკმაოდ ბევრი ნიჭიერი ფეხბურთელი კონკურენციის გამო ვერ ხვდება.

ბოლო წლებში „მერენგების“ რიგები არაერთმა მოთამაშემ დატოვა და მათი დიდი უმრავლესობა სწორედ ესპანელები იყვნენ, ამას წელს დაემატება ლუკას ვასკესი და ხესუს ვალიეხო, რაც ადგილობრივთა სტატისტიკას კიდევ უფრო შეამცირებს.